- 88
- 0
- الجمعة, 7 سبتمبر, 2018 - 9 , صباحًا
- التقييم:
الطريقة و المقادير
ورق عنب ماركة يرقات افضل نوع بالنسبه لي يذوب في الفم👌🏻👍🏻 المقادير:
٣كوب رز مصري منقوع (استخدمت كوب النوتيلا )
بصل
طماط
ملح ليمون
كمون
فلفل اسود
ليمون
زيت زيتون
ماجي
الطريقه :
تقطعين البصل وتحطينه ع النار لحد م يتغير لونه تضيفين عليه الطماط وتخلينها لحد م تتسبك حطي البهارات ومعجون الطماط وملح الليمون والملح العادي
بعدها اضيفي الرز وقلبيه وحطي عليه شوي مويه وخليه لحد م يستوي نص استواء ثم اضيفي عليها عصير ليمون
بعدها احشي ورق العنب ورتبيه في الضغط
طبعا تكونين مجهزه في قدره الضغط شرايح بصل وطماط وبطاطس
واذا خلصتي حطي عليه كوب ماء حار ٢ ماجي بهارات ( كمون + فلفل اسود + كزبره مطحونه ) معجون طماط وصبيها ع ورق العنب
واضيفي ٢ فنجان شاي زيت زيتون ثم غطي على ورق العنب بالورق المتبقى. وحطي فوقه اي صحن يتحمل الحراره
(واذا حابين ليمون او دبس رمان كلن برغبته انا م احط )
وقفلي الضغط واضغطيه لمدة ساعه كامله
واذا قفلتي النار لا تفتحين الضغط الا اذا تاكدتي انه برد تماما
لان اذا فتحي عليه وهو حار لون ورق العنب يتغير ويصير اسود ومن غير لمعه
وبالعافيه
