- 34
- 0
- الأحد, 23 سبتمبر, 2018 - 10 , مساءً
- التقييم:
الطريقة و المقادير
بقلاوة
الطريقة :
استخدمت عجينة بقلاوة جاهزة.. بصينية الفرن مندهنها بالسمن ومنحط اول طبقة عجين ومندهنها دهن خفيف بالسمنة السايحة ومنكرر الطبقات تقريبا 8 طبقات أو اكتر بعدين منوزع الحشوة ومنغضط عليها شوي ومنرجع منحط طبقة عجين ومندهن سمنة بشكل خفيف ومنكرر ل 8 طبقات أو اكتر منقطعها بحذر حتى يبقى شكلها حلو ومرتب ومنوزع شوي من السمنة السايحة ع الوجه وع فرن حامي مسبقا ع الرف الوسط والحرارة 180 اواقل شوي لتتحمر وتاخد لون ذهبي منطلعها ومنسكب عليها مباشرة قطر دافي ومنتركها أقل شي 4 ساعات بعدين منرجع منقطعها وبتكون جاهزة..
🌺الحشوة : فستق حلبي منحمصو شوي ع نار هادية بس من دون مايتغير لونو.. وبعدين بمحضرة الطعام جرش خفيف مو طحن ومنضيف عليه ملعقتين سكر ملعقتين ماء زهر ملعقتين حليب بودرة ومنعجن بايدينا ليصير يدبق شوي ببعضو وإذا حسيتو بعد بدو سائل ممكن تضيفو ملعقة قطر سميك أو ماء زهر
