- 123
- 0
- الأحد, 23 سبتمبر, 2018 - 11 , مساءً
- التقييم:
الطريقة و المقادير
فطاير دجاج
العجينة :
5 كاسات طحين 4 معالق زيت ( زيت زيتون وزيت دوار الشمس ) ملعقتين لبن زبادي بحرارة الغرفة ملعقة خميرة ملعقة سكر نص ملعقة صغيرة بكنغ باودر نص ملعقة صغيرة ملح ملعقة حبة البركة ملعقة صغيرة سمسم ( اختياري ) كاستين مي دافية منضيفهم بالتدريج (حسب استيعاب الطحين ) بتكون عجينة طرية وبتلزق شوي منعجنها لتصير ناعمة ومنغطيها شي ربع ساعة بعدين منقطعها كور صغيرة ( طلعوا 15 كرة ) منرش رشة طحين خفيفة ومنغطيهم ومنتركهم يخمروا شي نص ساعة بعدين منفرد كل كرة برشة طحين خفيفة جدا ولازم تكون رقيقة منحط الحشوة ومنسكرها وع القلاية بتكون ساخنة جدا والنار هادية مابتاخد وقت بس تستوي اول جهة منقلب ع الثانية وبس تستوي منغطيها لتبقى طرية…
🌺 الحشوة : منقلي حبة بصل كبيرة مفرومة ناعم بزبدة وزيت لتذبل منضيف 3 أسنان توم مهروس وجزر مبشور وفليفلة حلوة مفرومة ناعم منقلب ومنضيف دجاج مسلوق ومسحب من العظم ومفتت ناعم ومنضيف ملح فلفل بابريكا بهار مشكل كركم كاري.. ولازم تبرد الحشوة تماما قبل الشغل فيها
