خبز البرغر: منخلط 4 كاسات طحين مع ملعقتين سكر و3 معالق حليب بودرة وملعقة خميرة وملعقة صغيرة بكنغ باودر ورشة ملح بعدين منضيف عليهم 3 معالق كبار زبدة سايحة ومنفركهم بعدين منضيف بالتدريج كاس وثلث ماء دافي (حسب الطحين ) لتلم العجينة رح تكون طرية كتير مندهن ايدينا زيت و منبدأ نعجنها لتصير ناعمة وملساء وطرية مندهنها زيت ومنغطيها لترتاح نص ساعة. .. بعدين منقسمها كور من 10 _12 كرة (حسب مابتحبو الحجم) ومنصف الكور بصينية الفرن بتكون مدهونة زيت ومنغطيها ومنتركها 45 دقيقة او اكتر حسب الجو…. بعدين مندهنها بخليط التلميع بخفة شديدة من دون ما نضغط عليها حتى مايروح التخمير (خليط التلميع: بيضة مع رشة ملح وملعقة صغيرة خل ابيض وملعقة حليب) بعدين منرش السمسم ومندخلها فرن حامي مسبقا ع الرف الوسط والحرارة وسط والوقت حسب الحجم ممكن 20 دقيقة اكتر أو أقل… بس يستووا منطلهم ومنغطيهم شوي… ولما نقطعهم بسكين مشرشر… وأنا بحب احمصهم بعد ما اسمهم. ..
⭕لحمة البرغر: لحمة مفرومة (80 بالمية هبرة و20 بالمية دهن) منضيف عليهم بيضة وملعقة كاتشب وملح وفلفل وتوم بودرة وبصل بودرة منعجنهم ومنشكلهم أقراص بالايد أو ممكن تفردوهم بين ورقتين زبدة وتقطعوهم بعدين ع الثلاجة ربع ساعة بعدين منحمي القلاية مع شوية زيت ومنحط قطع الهمبرغر ومامنقلبها لتمسك اول جهة منقلبها ع الجهة التانية بس يستووا منحطهم شوي ع مناديل المطبخ قبل تطبيقهم بالساوندويش
🔴الساندويش: خس.بندورة. فليفلة.حلقات بصل مقلية.جبنة شيدر.صوص مكون من: 3 معالق مايونيز ملعقتين كاتشب ملعقة صغيرة هوت صوص ملح ملعقة صغيرة سكر ملعقة خل وخيار مخلل مفروم ناعم