البرياني : بطنجرة ع النار منحط زيت أو سمنة مع بصلة مفرومة ورشة ملح منقلب شوي بعدين منضيف 3 سن توم مهروس منقلب ومنضيف ملعقة زنجبيل مبروش منقلب ومنضيف قرن فليفلة حدة وممكن اكتر منقلب منضيف دجاج مقطع مكعبات كبيرة ( بقطعوا قبل بيوم مع رشة فلفل وشوية خل ) بعدين منضيف ملعقة صغيرة كركم وملعقة صغيرة كاري وملعقة صغيرة كمون ( مطحون أو حب ) وملعقة بهار برياني ( أو بهار مشكل اذا مافي برياني ) منقلب ومنضيف ملعقة دبس بندورة منقلب ومنضيف كزبرة مفرومة منقلب ومنضيف حبتين كبار بندورة مفرومين ناعم بعدين منقلب بعدين منضيف ملعقتين لبن ( زبادي ) منعدل الملح ومنضيف رشة فلفل ومنتركهم يتسبكوا وممكن نضيف شوية مي….. ◼ الرز : بطنجرة ع النار منحط كمية مي كبيرة مع حبات هيل وعود قرفة وورق غار وملعقة زيت و ملح بس تغلي المي منضيف عليها 3 كاسات رز بسمتي مغسول ومنقوع ومصفى منتركهم يغلو ع نار عالية لتستوي حبة الرز ثلاثة ارباع استوا منصفيهم ومنبدأ نطبق البرياني …. ◼ بطنجرة منحط نص كاسة مي ومنحط نص كمية الرز وملعقة زيت ومنوزع فوق الرز الخليط يلي عملنا بالبداية ومنرش رشة كزبرة خضرا وشوي من الكشنة بعدين منحط باقي الرز ومنوزع ع الوجه ملعقة ماء ورد مدوبين فيها بودرة زعفران منغطي الطنجرة بورق الألمنيوم ومنحط الغطا ومنحط الطنجرة ع نار هادية تقريبا ربع ساعة بعدين منطفي ومنتركها تهدى قبل التقديم ….. ◼عند التقديم منزين بالزبيب والكشنة وممكن مكسرات وكزبرة خضرا… و مع خلطة البرياني ممكن تضيفوا مكعبات بطاطا