كبة لبنية

العجينة : 3 كاسات طحين وملعقتين زيت وملح ومي دافية منضيفها بالتدريج لتتشكل عجينة ناعمة وطرية منتركها ترتاح أقل شي نص ساعة واذا ضلت وقت أطول بكون افضل
الحشوة: بصل مفروم ناعم مع ملعقة زيت زيتون ورشة ملح ع النار ليذبل منضيف اللحمة وفلفل وبهار مشكل وبابريكا حدة ورشة قرفة وكمون ومنقلب ليتغير لون اللحمة وطبعا منضيف ملح حسب الرغبة وبس استوت اللحمة منطفي النار ومنضيف كزبرة خضرا مفرومة ناعم ومنترك الحشوة تبرد قبل التشكيل واذا فيها بقايا دهن أو زيت منصفيها
التشكيل: بعد ما ترتاح العجينة منفردها بشكل رقيق ومنقطعها بأي قطاعة دائرية ومنحشيها ومنسكرها مزبوط وبعد هالمرحلة ممكن تصفوا حبات الشيشبرك ع صينية وع الفريزر لتجمد بتعبوها باكياس وبتحفظوها لوقت الاستخدام
لطبخ اللبن : لكل كيلو ونص لبن ( زبادي) منضيف 3 معالق نشا كبار وملح ومنخلطهم بعدين ع نار متوسطة مع التحريك المستمر ليغلي منضيف عليه ماء مغلي ( اللبن عم يغلي والمي عم تغلي ) المي حسب كيف بتحبوا سماكة اللبن وبضيف مكعب ماجي بيعطي طعم طيب بعدين منزل حبات الشيشبرك حبة حبة ومنحرك بخفة لنحافظ ع شكل الحبة بعدين منهدي النار ومنتركوا ليستوي..إضافة القدحة بالنهاية اختياري وهي توم مهروس مع شوي زيت ع النار بس تطلع ريحة التوم منضيف كزبرة ناشفة أو خضرا تقليبة ومنضيفهم فوق الشيشبرك…
وهون ضفت حبات كبة نفس عجينة الكبة المقلية بس منشكلهم بحجم صغير وممكن تقلوهم نص قلية أو تشووهم شوي بالفرن بس لتمسك العجينة ونضمن ماتفرط باللبن وأهم شي التحريك بخفة لنحافظ ع الشكل