معجنات فطاير

العجينة الهشة لجميع انواع الفطاير: منخلط 4 كاسات طحين مع 3 معالق حليب بودرة وملعقتين سكر وملعقة خميرة وملعقة صغيرة بكنغ باودر ونص ملعقة صغيرة ملح منخلطهم مزبوط ومنعمل حفرة بالنص ومنزل فيها 4 معالق كبار لبن (زبادي) دافيين و4 معالق زيت ومنبدأ نضيف المي بالتدريج (تقريبا كاس وربع مي دافية حسب استيعاب الطحين ) رح تكون عجينة طرية بتلزق بالايد مندهن ايدينا زيت ومنبدأ عجن فيها لتصير ناعمة وطرية( طبعا عجينة الفطاير بتكون اطرى من غير أنواع من المعجنات) مندهنها زيت ومنغطيها مزبوط ومنتركها لتخمر ويتضاعف حجمها… بدين منقسمها كور ( من 13_15كرة) حسب مابتحبوا ومنرجع منغطيها ومنتركها 10 دقايق ليسهل تشكيلها بعدين منفردها بشكل دائري ومنحط شوية جبنة والحشوة ومنسكرها مزبوط لنخلص كل الكرات منرجع منضغط عليهم بايدنا ومنفردهم بشكل دائري ومنصفهم بصينية الفرن ومنتركهم يرتاحو 10 دقايق حسب الحجم.. بعدين ع فرن حامي مسبقا ع الرف الوسط والحرارة أعلى من وسط وأقرب للعالية بس يتحمروا من تحت منشغل الشواية لياخدوا لون.. وبس يستووا فورا منغطيهم ليبقوا طرايا.. وان شاءالله بهي العجينة رح يبقوا طرايا لتاني يوم
🔵الحشوة؛:بطنجرة ع النار ملعقة سمنة أو زيت منزل عليهم بصل مفروم مع رشة ملح وفلفل منقلب بعدين سنين توم مهروسين بعدين ملعقة زنجبيل مبشور بعدين جزر مبشورة بعدين دجاج مسلوق ومسحب بعدين منضيف ملح فلفل كاري كركم منقلبهم مزبوط ومنطفي بعدين منضيف رشة بهار بيتزا ومنترك الحشوة تبرد قبل مانستخدمها ومنتأكد مافيها بقايا زيت حتى ماتفتح معنا الفطاير.. وممكن تضيفوا فليفلة مع الحشوة