فخذ ضاني بالفرن

التتبيله
عصير برتقاله _ عصير ليمونه كبيره _ ملعقه صغيره لكل من كمون وفلفل اسود وكركم وقرفه وزنجبيل وزعفران واكليل الجبل _ اربع ملاعق صغيره ملح_ ملعقة طعام ورشستر صوص _ ملعقة طعام صلصة الشواء وممكن الاستغناء عن الصوصات _ ملعقة طعام معجون ماسترده
الرز:
كاس شحم _ عودين قرفه وسط _ ثلاث اوراق غار_ سبع حبات هيل _ ثلاثه قرون فلفل حار _ سبع كاسات رز مغسول ومنقوع _ اربع ملاعق صغيره ملح اوحسب الرغبه _ خمس حبات مستكه مذوبه في قليل من الزيت _ ملعقه صغيره زعفران مذوبه في ثلث كاس ماء ساخن.
اذوب الشحم واضيف البهارات الصحيحه والفلفل الحار واضيف الرز واقلبه شوي ثم اغطيهم بالماء واضيف الملح ولمايستوي ثلاث ارباع استوى اضيف الزعفران والمستكه واغطيه لمايستوي واقلبهم عندالغرف
الطريقه
في صينية فرن كبيره ارص كمية بصل كبيره مقطعه جوانح وطماطم وفلفل حار واضع الفخذه فوقها واضع الكرش الملفوفه بالشحم بعدماتجهز واصب بالصينيه كاسين ماء واغطيها بورق الالمونيوم واخرمه بالسكين مع كذا جهه وادخلها فرن حار على حرارة ميتين وخمسين لثلاث ساعات الى ثلاث ساعات ونص واشيل ورق الالمونيوم واحمرها من فوق وتقدم مع الارز المزين بالخضار اوالمكسرات اوالخبز حسب الرغبه وبالعافيه

انا شويت الكرشه بعدلفها مع الفخذه بدون مااسلقها على طول بالفرن

اذا تبونها تعطي طعم المندي ضعي قطعة فحم مستويه داخل الصينيه فوق الشحم الذايب وهو راح يدخن وتكون الصينيه ساخنه افضل وغطيها بنفس ورق الالمونيوم لخمس دقائق. ملاحظه هامه 👇
بالنسبه لعمل الكرشه الملفوفه بالشحم
نحتاج شحم بطن اذا توفر هوالافضل وكرشه وامعاء الخروف وضروري تشطف تحت الصنبور من الداخل يعني مرري الماء داخلها كذا مره لما تنظف تماما.
اول سخنت ماء وحطيت فيه حبة اسبرين لماذابت وطفيت النار وحطيت الكرشه وبعد خمس اوسبع دقايق بتنفصل الطبقه العلويه عن الطبقه البيضاء وتطلع بسهوله وشطفتها وقطعتها قطع متوسطه زي الي بالفديو وحطيت من شحم البطن على طول القطعه ولفيتها وسويت كذا واحده وبعدين لفيت الامعاء وقفلت اطرافها ودخلتها الفرن بنفس صينية الفخذه طبعا من بداية الشوي وبعدين حمرتها من فوق مع الفخذه
ممكن عمل خروف كامل بنفس الطريقه