المقلوبه👌

المقادير
دجاجه مقطعه ارباع او اثمان ومسلوقه في ماء وملح وعود قرفه وثلاث حبات هيل وورقتين غار. نطلع الدجاج ونصفي المرقه ونضيف لها ثلاث كاسات ونص رز مغسول ومنقوع ونتركه لما يستوي .
حبة بادنجان كبيره مقشره ومقطعه دوائر عريضه ومقليه _ حبتين بطاطس كبيره مقطعه دوائر _ حبتين جزر كبيره مقطعه دوائر _ نص حبة زهره مفككه. كل هالمجموعه مقليه في الزيت

خلطة الدجاج
حمري بصله كبيره مع قرنين فلفل حار وضيفي الدجاج المسلوق وقلبيه وضيفي ملعقه صغيره لكل من كمون وفلفل اسود وكزبره ناشفه وكركم وزنجبيل وقرفه وبابريكا وبصل بودر ورشة اوريقانو وملح وضيفي اربع حبات طماطم وسط مطحونه مع خمس فصوص ثوم وملعقة طعام صلصة طماطم وقوي النار لما يتغير لونها ويقل ماءها وطفي عليها النار.
على جنب حمري ثلاث فصوص ثوم مع نص كاس كزبره مفرومه. بصله جوانح محمره في الزيت.
للزينه
فلفل رومي ملون مقطع دوائر

اربعه اوراق ملفوف مفككه

الطريقه

احضري صينية فرن كبيره ورصي ورق الملفوف وفوقه الفلفل الرومي الملون وفوقه الخضار المقليه وفوقها خلطة الدجاج الحمرا ورشي فوقها خليط الثوم والكزبره ورشه من البصل المحمر اخر شي الرز واضغطي عليه بالملعقه وغطيها بورق الومنيوم وبفرن حار لنصف ساعه.
طلعيها من الفرن واتركيها برى ربع ساعه وبعدين اقلبيها في صحن كبير وتقدم وبالعافيه

ملاحظات:
الي مو حاب القلي ممكن يرش على الخضار زيت زيتون ويحمرها بالفرن من فوق وتحت على نار هادئه اويشوحها في كاس زيت زيتون على دفعات.
الكميه تكفي سته الى سبعه اشخاص