كيكة الشوكلاتة بالصوص طيبة كتير
المقادير
كوب طحين منخول
كوب سكر
كوب حليب
كوب الا ربع زيت
4 بيضات
4 بيكنج باودر
4 فانيلا
4 معالق كاكاو منخول
معلقه خل بنحطها ع البيض
معلقة صغيرة كربونة بنخلطها مع كوب الحليب
ملاحظة بالنسبة لعيار الكوب ممكن تعملي بكاسة كبيرة مو شرط عيار الكوب يعني الميكة اللي بالصورة استخدمت فيها كاسة تقريبا بتعطي كوب ونص وبنخلي عيار البيض متل ما هو ما بيأثر
الصوص
100 غرام زبدة
كوب حليب سائل
كوب الا ربع سكر
4 معالق كاكاو
بنخلطهم ع الغاز لحتى يغلو

الطريقة
نخفق البيض مع الفانيلا والخل بعدين بنضيف السكر بعدين الزيت بعدين الحليب كلو بالتدريج واخر شي الطحين والكاكاو والبيكنح باودر وبنخبزها بتحتاج من 30 ل 45 دقيقة على 180
الكيكة الافضل تكون باردة والصوص سخن مو العكس
بعود خشب بنعمل فتحات بالكيكة وممكن نقطعها وبنحط الصوص عليها وممكن نشيل شوية صوص ونتركه بس يجمد بنرجع ندهن فيه الكيكة
وانا بحب حطها بالتلاجه بتطلع طيبة اكتر
ملاحظه شكل الشوكلاته المبروشة اللي ع الكيكة بتجييو شوكلاته خام ع حمام مي وبس تسيح بتفردوها ع عمكان يكون نظيف وبتحمل شغل بالسكين وبس تبلش تبرد (ما نتركها لحتى ترجع تجمد ع الاخر) بمغرفة المطبخ اللي بنستخدمها للحلويات بنبلش نقشرها عن الطاولة ليطلع معنا هالشكل
بتمنى تجربونها