عجينة انسألت عنها كتير وحبيت نزلها بالتفصيل
استخداماتها 👇
عجينة تستخدم للعجاين الحلوة والمالخة متل البيتزا وممكن اعمل منها خبز برجر وخبز الصامولي وحتى بالدونات ممكن اعملو منها ورح نزلكم طريقة الدونات بالعشر دقائق قريبا
انا بحب العجينة هاي لانو مكوناتها سهلة ما بتحتاج بيض ولا لبن رايب ولا زبادي وكتيير طرية وبتنفخ كتير منيح وما بتحتاج وقت
الطريقة
في وعاء نضع 2 كوب طحين . 2 كوب ماء دافىء. 2 ملعقة كبيرة سكر .2 ملعقة كبيرة خميرة .ملعقة صغيرة ملح نخلطهم بالمضرب الشبكي لحتى تدوب كل التكتلات رح تحصلي على قوام سائل ونغطيها لمدة عشر دقائق .. بعد عشر دقائق نضيف 3 كوب طحين . 2 ملعقة كبيرة حليب بودرة . ربع كوب زيت وننعجنها طبعا حسب نوع الطحين ممكن هيك كفاية وممكن تكون طرية رح تزيدي عليها من كوب لغاية 2 كوب حسب نوع طحين ..طبعا اول مرة بتعمليها ضيفي الطحين بالتدريج لحتى تعرفي بالزبط قديه بتحتاجي .. بعد ما تصير عجينة متماسكة وتبطل تلزق ممكن تشتغلي فيها على طول بس انا بحب اتركها ترتاح خمس او عشر دقايق وبقطعها وبرجع بريحها كم دقيقة مشان تسهل علي الشغل .. سهلة ومريحه وطعمها رائع طرية وحلوة