عجينة البيتزا الايطالية

٤ كاسات ونص طحين منخول مع معلقة صغيرة سكر ومعلقة كبيرة خميرة و٤ ملاعق زيت زيتون ونص معلقة صغيرة ملح و٢ كوب حليب دافي وبيضة منعجن العجينة واذا حسينا عما تلزق منرجع منضيف شوية طحين ومنضل نعجن لمدة عشر دقايق ( ضروري) وبعدين مندهن الصحن زيت زيتون ومنحط العجينة ومنغطيها بنايلون وفوقها قماشة لمدة ساعة وبعدين منجيب العجينة منفردها بالشوبك ومندهن صينيه الخبز زيتون ورشة سميد ومنحط العجينة ومنعمل فيها ثقوب بالشوكة وبالنسبة للصلصة الاولى : عبارة عن ٣ ملاعق كتشب ومعلقة معجون طماطم ونص معلقة صغيرة مسحوق التوم ورشة اوريغانو ومعلقة كبيرة زيت زيتون ورشة فلفل اسود ومندهنها فوق العجينة وبعدين بحط جبنة موزريلاومنحط الفطر والبندورة المقطعة ناعم وفليفلة خضراوذرة صفرا ومنرجع منحط جبنة ومنتركها ترتاح ٥ دقايق وع الفرن وصحتين😍

بطاطا ودجز :
منغسل البطاطا بدون تقشير منقطعها ومنضيف عليها رشة فلفل اسود ومعلقة ونص ملح صغيرة و ٤ ملاعق زيت زيتون ورشة زعتر اخضر ورشة بابريكا ومعلقة توم مدقوق صغيرة ومنخلطهن سوا ومنصفها بالصينية ومنحطهن بالفرن ع حرارة ٢٠٠ لمدة ٣٠ دقيقة منرجع نقلبها للوش التاني لمدة ٢٥ دقيقة والف صحة