الطبقات:
–
اللحمة باللصلصة الحمرا:
–
منحوس على النار لحمة مفرومة مع بصل وثوم ومنتبلها بأعشاب ايطالية ومنتركها تاخد لون، منضيف طماطم مهروسة (او معلبة) ومنتركها على النار حوالي عشر دقايق ومنضيف ملعقة كبيرة كتشب، لازم الشكل النهائي يكون فيه قدر من السائل بس مو كمية كبيرة متل الشوربة طبعا. ما ننسى الملح والفلفل اسود واخر شي منضيف عصرة نصف ليمونة او ملعقة كبيرة خل.
–
⚠️⚠️⚠️ ممكن تضيفوا اي خضار او بهارات بتحبوها. انا ما بحب استعمل معجون الطماطم هون بس فيكم طبعا.
–
البشاميل:
–
منضيف 3 ملاعق زبدة على النار وبس تدوب منضيف 3 ملاعق طحين ومنحرك، بس يختفي الطحين منضيف حوالي 3 إلى 4 اكواب حليب، منضيف ملح وفلفل و رشة جوزة الطيب، ممكن تحطوا حر او بابريكا. منضيف حوالي نصف كوب جبنة شيدر و نصف كوب جبنة موزاريلا ومنحرك. انا بضيف بارميزان لان غرامي
–
⚠️⚠️⚠️ انواع الجبنة اختياري طبعا المهم بتدوب.
–
⚠️⚠️⚠️ في ناس بحبوا الصلصة البيضا تكون جبنة ريكوتا مع اعشاب وهيك شي، احنا الصراحة ما منحب الريكوتا بالبيت، منفضل هاي الطريقة وجداااااا الذ بحسها.
–
الباقي سهل، منضيف بكاسرول كفكير بشاميل بعدين شرائح اللازانيا (مش مسلوقة مافي داعي)، بعدين الصلصة، بشاميل، لازانيا، صلصة، بشاميل…. الخ واخر شي منضيف على الوجه جبنة موزريلا او شيدر وبرميزان.
–
مندخلها الفرن حرارة 200 لحتى تحمر، اخدت بفرني حوالي نصف ساعة.
–
صحة و هنا
–