ميني مافن القرفة والقهوة –
كتييير خفيفة وطيبة تقدموها مع قهوة ونسبة السكر فيها خفيفة. –
الطريقة بتكفي 6 كاب كيك حجم عادي او 12 ميني مافن زي تبعتي
–
المقادير:
–
كوب طحين
2 ملعقة كبيرة نشا
1/4 كوب سكر ابيض
1/4 كوب سكر بني فاتح (ممكن كلو بني او ابيض بس طعمة الدبس بالسكر البني بحسها لابقة وبتعطي طعم طيب)
1 ملعقة صغيرة بايكنغ باودر
رشة ملح + فانيلا
1 بيض
1/2 ملعقة صغيرة قرفة (حسب الرغبة)
1 ملعقة صغيرة اسبريسو بودرة او نسكافيه (او 2 ازا بدكم طعمة القهوة أقوى)
1/2 كوب ماء سخن
1/3 كوب زيت + 2 ملعقة كبيرة زبدة مذابة
1/2 ملعقة صغيرة كاكاو
–
الطريقة
–
مندوب القهوة والقرفة والكاكاو بالماء السخن ومنضيف باقي المكونات السائلة + السكر ومنخلط منيح
–
منضيف المكونات الجافة لحالها ومنخلطهم مع بعض
–
⚠️⚠️⚠️ممكن تعملوها كاب كيك عادي بس انا عملتها ميني لان الاهل والضيوف عنا بحبو كل شي هالحجم، وممكن حتى تقدموها مع كريمة على الوجه بس لان هيك الشعب بدو عندي ما حطيت.
–
منحطها بقوالب كاب كيك او ميني مافن ومندخلها الفرن حرارة 180 لحديت ما ندخل عود خشب ويطلع نظيف، الترقيت بيختلف بحسب حجم القالب طبعا
–
صحة وهنا