- 106
- 0
- الإثنين, 7 يناير, 2019 - 9 , مساءً
- التقييم:
الطريقة و المقادير
😍
بامية باللحمة
1. بطنجرة على نار عالية منحمر قطع اللحمة (عليها ملح وفلفل اسود) لتصير ذهبي غامق ومننقلها لوعاء تاني
2. بنفس الطنجرة منوطي النار ومنضيف ثوم صحيح ومنحرك
3. نضيف طماطم مقطعة صغير ، مقشرة طبعا ،أو طماطم مهروسة معلبة (عصير طماطم) مع ملعقتين كبار معجون طماطم ومنحرك
4. منرجع اللحمة على الطنجرة مع ماء سخن مع ماء التمر الهندي (ملعقة صغيرة تمر هندي منقوع بنصف كوب ماء مغلي شي ساعة حتى يذوب, منصفيه قبل الإضافة)،—— التمر الهندي اختياري هون
ومنحط بهارات صحيحة جوا مصفاية مغلقة مشان نشيلها بعدين، لحتى ما نتغلب احنا ومنشيلهم، عم نعمل هون مرق اللحمة مع الطبخة ( في ناس هون بحطوا بدالها بهارات بودرة بس بحس بغير لون المرق بصير لونو بني، بفضل هاي الطريقة، ازا ما بدكم ،ممكن تختصروا بأن تضيفوا مرق لحمة خالص انتو عاملينو)
5.منتركها شي ساعة على النار ومنضيف بعدها البامية (بامية مقلية أو المجمدة) وملح وبهار حسب الرغبة ورشة سكر.
ممكن بدل التمر الهندي نستعمل خل أو حامض. منترك الطنجرة حوالي ربع ساعة على نار واطية وما ننسى الكزبرة آخر شي. وصحتين
