خلطة البهارات:
–
كوب ونصف طحين / ملعقة صغيرة بابريكا مدخنة / ملعقة صغيرة كربونات الصودا / 2 ملعقة كبيرة بودرة حساء البصل او بصل بودرة / 2 ملعقة كبيرة حليب بودرة/ نصف كوب نشا الذرة / 2 ملعقة صغيرة بابريكا العادية / 1 ملعقة كبيرة ثوم بودرة / ربع ملعقة صغيرة كزبرة بودرة / ربع ملعقة صغيرة جوزة الطيب / ملح وفلفل اسود
–
الخليط السائل:
–
لبن روب + برش ليمون + صلصة حارة (اختياري)
–
الطريقة:
–
نقعة الدجاج: منجيب نصف ليتر ماء بارد ومنخلط معو حوالي 100 غرام ملح (اقل من نصف كوب بشوي) + اي منكهات بتحبوها متل راس ثوم او اوراق الزعتر او بصلة مقطعة نصفين او البهارات الصحيحة. منغطي عليها ومنتركها من 6 إلى 12 ساعة بالبراد
–
⚠️⚠️⚠️ هاي الطريقة بتخلي طعمة الجاج عصارية اكتر والذ، عن تجربة مارح تخلي الدجاج مالح –
منشف الدجاج من الماء ومنغطو بصلصة اللبن وبعدين الخليط الجاف ومنعيد العملية كمان مرة. منقليهم على حرارة 200 لحديت ما ينضجوا.
–
🍗ازا بدكم ياها اخف شوي بامكانكم
–
🔅الطريقة الأولى بعد ما طلعتوها من الماء ممكن تطبخوها ثلاث ارباع طبخ بالطنجرة (بتحطوها على النار مع كم معلقة ميي بس وبهارات صحيحة) وتتركوها حوالي 20 إلى 30 دقيقة على نار واطية وبعدين تطلعوها وبس تبرد تماما منغطها باللبن وبتكملوا. هيك ما بتعد بالقلي كتير لان الجاج شبه مستوي
–
🔅 الطريقة الثانية نعمل كل الخطوات عادي وبس نبلش نقليها، نقليها فقط لتاخد لون وفورا منطلعها ومندخلها فرن حرارة 180 تكمل نضج
–
هدول الطريقتين للي ما حابين الدجاج يكون كلو لجوا مقلي ⚠️⚠️⚠️ بالنسبة للجلد كيفكم تخلوه او تشيلوه انا اللي بالصورة شايلتهم لان دسم زيادة
–
صحة وهنا