المقادير
–
كوب وربع حليب
ربع كوب سكر
3 صفار بيض
2 ملعقة كبيرة نشا
رشة ملح
فانيلا نوعية كويسة
–
الطريقة:
–
بطاسة منخلط صفار البيض مع السكر والنشا
–
على النار منضيف الحليب بطنجرة سميكة القاع
–
قبل ما يوصل الحليب لمرحلة الغليان منسكب مقدار كفكير (ملعقة سكب الشوربة) على خليط صفار البيض وفووورا منحرك
–
منضيف كفكير تاني ومنحرك، الثالث ومنحرك، ازا ما عملنا هالحركة بالتدريج هيك رح ينطبخ البيض من الحرارة المفاجئة
–
اخر شي منرجع الخليط كلوو على النار اوطى حرارة ومنضيف الفاينلا (ازا العيدان منضيفها بالاول بعد ما نقطعها ونشيل بذورها بالحليب)
–
منحرك لحديت ما يمسك الخليط منيح ومنشيلو على النار ومنضيف ملعقة زبدة بااااردة ومنحرك لحديت ما تذوب.
–
وبمصفى رفيع الثقوب منصفيه للخليط ليفضل الخليط الناعم الصافي اللذيذ
–
منغطي الكريمة بورق كلينغ فيلم بشكل يلمس السطح تماما والا رح تطلع قشرة ومندخلها البراد لتبرد تماما
– هاي الوصفة الرئيسية، من هون ممكن نضيف شوكولا، ممكن نضيف قهوة، او كراميل، او معجون فستق، او حتى نكهات عربية متل ماء زهر وهيل ونستخدمها بأي حشوة بدنا
–
ازا حابين قوامها اخف لحشوة كيكة مثلا ممكن نخلطها مع بعض
–
صحة وهنا