- 151
- 0
- الخميس, 17 يناير, 2019 - 12 , صباحًا
- التقييم:
الطريقة و المقادير
منحوس على النار الخضار اللي منحبها انا استعملت بصل وفليفلة حمرا وجزر وبطاطا، ممكن تستعملوا كرفس او فطر او اي شي تاني، انا دايما بضيف اللي بكون عندي بحصلو بالبراد.
–
اضفت رشة ملح وفلفل وتركتهم كم دقيقة على النار مع التحريك، اضفت ثوم مهروس وحركت.
–
منضيف العدس (من اختياركم) ومنحرك شوي، منضيف مرق الخضار او مرق الدجاج اللي عندكم مع البهارات الصحيحة (قرنفل وهيل وورق غار….) داخل باوتش صغيرة خصوصي للطبخ مشان اشيلها بعدين، ومنتركها على النار حتى تطرى حبة العدس (ما ننسى نشيل اي شوائب على الوجه) –
⚠️⚠️⚠️ما بدنا حبة العدس تهتري متل شوربة العدس الاصفر، لازم تطرى بس تضل محافظة على شكلها
–
ممكن ازا بتحبو تضيفوا زنجبيل او بقدونس او كزبرة او حتى سبانخ بتطلع طيبة كتير لسا.
–
منتأكد من الملح والفلفل قبل التقديم
–
صحة وعافية
