حست على النار مع شوية زيت الخضار اللي عندي متل بصل وكرفس وفليفلة… الخ مع رشة ملح وفلفل. –
تركتهم على النار لبلشوا يذبلوا بعدين اضفت ثوم مهروس وحركت
–
ممكن هون تضيفوا البهارات اللي بتحبوها، انا حطيت ثوم بودرة وبصل بودرة واعشاب ايطالية وخردل بودرة وجوزة الطيب، طبعا ما ننسى الملح والفلفل
–
اضفت مرق (ممكن دجاج او خضار) بس ازا بدكم ياها بيضا لازم يكون المرق لونو فاتح. اضفت اكتر من غمرتهم بشوي.
انا استعملت مرق خضار قليل الملح + مكعب ماجي (حسب اللي عندك) –
اضفت معكرونة الاورزو (اللي منسميها لسان العصفور) وتركتها على النار حتى استوت.
–
اخر شي اضفت اوراق kale وممكن تضيفوا سبانخ طبعا
–
اضفت حوالي ثلث كوب كريمة قليلة الدسم
–
كان عندي دجاج مشوي زاد من اكلة عملتها اليوم اللي قبل، قطعتهم واضفتهم.
–
⚠️⚠️⚠️ ازا بدكم من الصفر تحسوها مع الدجاج، حوسوا الدجاج اول حتى ياخد لون، ارفعوه عن النار ثم اضيفي الخضار واتبعي باقي الخطوات، ارجعي ضيفي الدجاج بشكل نضوجو ينتهي مع استواء الباستا (الوقت اللي بتحتاجو مكتوب على العلبة) –
الشورية هاي رح تسمك بس تبرد لان فيها باستا
–
نصيحة ضيفوا على الوجه برش بارميزان بتطلع كتير الذ
–
لذيييييذة صحة وعافية