معجنات الكاسترد / او ممكن تعملوها بجبنة (بدووووون فرن) 🔥
–
العجينة:
–
2 وثلاث ارباع كوب طحين
ربع كوب نشا
ملعقة صغيرة ملح
ربع كوب سكر
ملعقة صغيرة خميرة
نصف اصبع زبدة حرارة الغرفة
حليب دافي حسب الحاجة
–
منخلط بالعجانة مقادير العجينة كلها ماعدا الزبدة والحليب، منخلطها ومندير الحليب بالتدريج حتى بس تبلش العجينة تتشكل ثم منضيف الزبدة اخر شي ومنخليها تعجن حوالي دقيقة مو اكتر، هاي العجينة جدا طرية فما لازم نخليها تنعجن كتير لحتى ما تصير قاسية
–
منتركها تخمر شي ساعة بعدين منقطعها صغير ومنشكلها ومنحشيها باللي بدنا
–
منراعي عند التقطيع والحشو انو ما تكون سميكة، لازم رفيعة. انا عملت حشوتين، وحدة بكريمة الحلويات ووحدة جبنة.
–
سكرت عليها منيح وتركتها شي ربع ساعة مغطاية.
–
بمقلى سميك القاع (لازم سميك والا بتحترق من تحت) رشيت طبقة خفيفة جدا زيت وحطيت المقلى على اوطى نار وغطيتهم
–
بعد بضع دقايق قلبتها، بتاخد لون ذهبي حلو وتركتها كمان بضع دقايق. هاد النوع من طبخ المعجنات بيحتاج اوقات مختلفة بحسب المقلى وقوة النار. انا عندي نضجت تماما بعد حوالي 10 إلى 15 دقيقة.
–
الباقي وطريقة التقديم بترجعلكم، انا حطيت عليهم عند التقديم مابل/عسل مع فستق لان هبك بحبها، نفس الشي تبعت الجبنة بس ممكن تقدموها زي ما بدكم
–
صحة وهنا