- 116
- 0
- الجمعة, 18 يناير, 2019 - 2 , صباحًا
- التقييم:
الطريقة و المقادير
عم تجيني اسئلة كتير عن المكدوس ومن كم يوم عملت قلت بشارككم الوصفة. الباذنجان نصيحة اختاروا باذنجان حجم صغير حجمو دائري مكبتل شوي يلي لونو بنفسجي اطيب وبيحمل حشوة، اللي لقيتو بالسوق كان مطاول شوي بس لذيذ كمان.
–
الطريقة:
–
منجيب كيلو باذنجان البنفسجي الصغير . منقطع الجزء العلوي اليابس من الباذنجان ومنقسمها من النصف بالطول دون فصلها .
ونسلقها حوالي تلث ساعة ثم نصفيها من الماء .وبس يبرد الباذنجان منحط الملح داخل الشق الذي قطعناه وحطيتو بالمصفاة ينز ميي وفوقو وزن، لتاني يوم.
–
بعدين منحشيهم: –
الحشوة –
ربع كيلو جوز مقطع صغير + فليفلة حمرا كبيرة مقطعة صغيرة + راس ثوم مفروم + ملعقة صغيرة ملح وملعقة كبيرة بابريكا ومن يحب الحر يضيف فلفل بودرة . –
منحشي كل حبة لحالها ومنعبيها منيح ومنحطهم حبة حبة بالأطرميز بشكل مرتب. . ثم نغمرهم بزيت الزيتون .
ملاحظة :
اذا بدك تاكليهم بسرعة بعد يومين اسلقي الباذنجان مدة ساعة . واذا بدك تاكليهم بعد وقت يمكن سلقهم مدة ربع ساعة فقط .
