- 100
- 0
- الجمعة, 18 يناير, 2019 - 2 , صباحًا
- التقييم:
الطريقة و المقادير
أكلة سورية والها شعبية كتير وبتنعمل بكذا طريقة احنا هيك منحب نعملها والحمدالله دايما مطلوبة
–
سهلة وبسيطة ان شاء الله بتعجبكم
–
لتنظيف اللسانات، منسلقهم بميي مع بصل وثوم وجزر وبهارات صحيحة متل الهيل والقرفة والقرنفل وورق الغار…. الخ ومنتركها ساعتين بالراحة على النار، أو لحديت ما تصير جدا طرية لما تنخزوها بالسكين
–
منطلعها ومنتركها شوي تبرد، ما تلحوها بميي باردة مشان ما تزنخ، منقشرها بكل سهولة ومنتركها ومنستعملها بالفتة
–
اللبن عبارة عن نصف كيلو لبن + 3 ملعقة كبيرة طحينة + 2 ثوم مهروسين + رشة ملح وفلفل اسود + عصير حامض حسب الرغبة ورشة صغيرة كمون، منخلطهم. –
الخبز محمص (مقلي أو بالفرن)
–
حطيت الخبز واللسانات اللي قطعتهم مكعبات وسكبت اللبن فوقهم وكمان حطيت شوية لسانات على الوجه مع مكسرات وبقدونس
–
صحة وهنا
