- 189
- 0
- الجمعة, 18 يناير, 2019 - 3 , صباحًا
- التقييم:
الطريقة و المقادير
هية عبارة عن نوودلز بالخضار
الطريقة بسيطة، استعملت النوودلز الجاهزة (متل الاندومي)
بمقلى على النار استعملت زيت سمسم وحست فطر على النار وبعدين أضفت كيس خضار من كيس الخضار المجمدة لأن اسهل (الخضار المطلوبة هية فطر، بصل، جزر، فليفلة ملونة، ثوم وخس الياباني انا استعملت الخس العادي – الخس العادي آخر دقيقة ضفتو)
–
بكوب على جنب حطيت 2 ملعقة صغيرة صلصة الصويا، 2 ملعقة صغيرة صلصة المحار، 1/2 ملعقة صغيرة خل 1 ملعقة صغيرة وورشيسر (اختياري)، 1/2 صغيرة مكعب مرق الخضار (أو ممكن تستعملوا بكيت البهار اللي مع النوودلز اجا) وملعقة صغيرة معجون الثوم بالفليفلة الحرا (اختياري) ومرق سلق النوودلز ازا احتاج
–
بس اتحاست الخضار أضفت النوودلز والصلصة وحركت
–
طبعا ممكن تغيروا بنوع النوودلز اللي بدكم ياه، ونوع الخضار ونوع النكهات مافي ملزم نهائي. هاي فقط نسخة من الشومن اللي انا شخصيا بحب أكلها وقلت بشارككم فيها.
–
ازا بتحبوها مع لحمة أو دجاج حسوها اول على النار قبل الخضار بتتبيلة من اختياركم –
صحة وهنا
