المقادير: (مقاس قالب كبير، الكمية هاي كفت القالب اللي بالصورة وواحد تاني أصغر منو شوي) –
7 بيض
كوب ونصف كوب سكر
2 كوب طحين( شايلين منو ملعقتين وحاطين بدالهم نشا)
نصف كوب زيت
نصف كوب ماء بارد
3 ملعقة صغيرة بايكنغ باودر
رشة ملح
فانيلا
ملعقتين حليب
1/4 كوب كاكاو منخولة –

منخفق البيض مع السكر ليصير سميك (ضعف حجمه) ولونه عبياض، منضيف عليه الفانيلا وشوي شوي منضيف المكونات الجافة كلها (ماعدا الكاكاو) بالتناوب مع الزيت والميي (بدون الحليب) والتحريك شوي شوي من فوق لتحت.
–
منقسم الخليط نصفين أو عهوا ما بدكم اي اكتر والنص التاني منخلط الكاكاو والحليب
–
منحطهم بقالب يكون مدهون بزبدة وطحين (انا حطيت الشوكولا تحت والفانيلا فوق
–
⚠️⚠️⚠️ ضروري ندير بالنا نخلط شوي شوي ومن تحت لفوق والا بنفس الخليط
–
منحطه بالفرن حرارة 180 حوالي 25 دقيقة، ولكن برجع بحكي ما تلتزموا بوقت حدا يحكيلكم ياه، الأفران مختلفة، بتشيكوا ازا استوى من عود أسنان بتدخلوه جوا الكيكة لازم تطلع ناشفة. بفرن تاني اخدت 30 دقيقة.
–
اختياري: انا عندي شراب السكر والميي بسقي فيه الكيكة مشان تضل مرطبة. منحط نصف كوب سكر ونصف كوب ميي يغلو بس كم دقيقة ومنسقي الكيكة لازم الكيكة سخنة والشراب بارد أو العكس) انا بخزء الكيكة بعود أسنان وما مبين وبسقي الكمية اللي بشوفها مناسبة.