#Repost @ranoosh.recipes
• • • • •
وصفة شلفتها شلف
–
اول خطوة تتبيلة صدور الدجاج استعملت

1 ملعقة كبيرة صلصة الصويا
1/2 ملعقة صغيرة بابريكا مدخنة (مو العادية)
فلفل اسود
مكعب مرق مذوب بملعقتين كبار ماء
ملعقة كبيرة لبن
ملعقة صغيرة ثوم بودرة
ملعقة صغيرة بصل بودرة
ملعقة صغيرة خردل بودرة
–
كله بيطلع متل الصلصة السميكة تبلت فيها صدر الدجاج، واحد كبير أو اتنين حجم صغير)
– 🌸 تبلت صدور الدجاج
–
🌸 حمرتهم على النار حتى اخدوا لون ورفعتهم (لسا ما نضجوا)
–
🌸 أضفت كمان ملعقة زيت وأضفت الرز و حركت، رح ياخد من طعم ولون البهارات اللي نزت من الدجاج
–
🌸 أضفت مرق الدجاج مع خضار مشكلة وممكن هون تضيفوا اي بهارات بتحبوها
–
🌸 منغطي على الرز حوالي 10 دقايق وبعدين منرفع الغطا ومنرجع قطع الدجاج ومنغطي كمان 10 دقايق لينضج الكل سوا
–
⚠️⚠️⚠️ بخصوص الأسئلة عن هاد المقلى استخدمتو بعدة بوستات فهو cast iron skillet بستخدمو كتيييييير بالطبخ وأحيانا بقدم فيه الاكل لأن بخليه سخن وبيحفظ الحرارة، خاصة ازا متلي لازم اخد صور للأكلة اول للانستغرام وفي ناس وراكم مستعجلة بدها تاكل😁😁😁😁
–
آخر شي قبل التقديم حطيت مكسرات وزبيب ورشيت بقدونس للون

–
صحة وهنا