المقادير –
حوالي كيلو كوسا محفورة
نص كوب رز مصري أو أمريكي
ربع كيلو غرام لحم غنم مفروم
ثوم مهروسة
البهارات المفضلة ( انا استعملت هيل وقرفة وزنجبيل وكمون وملح وفلفل اسود)
علبة معجون طماطم
مرق دجاج –
الحشوة: منخلط الرز واللحمة والبهارات والثوم( في ناس بتحب تضيف معها بصل مفروم)
ممكن كمان نفتت مكعب مرق ب ملعقتين ماء سخنين ونضيفهم بالحشوة ( اختياري، هيك عملت هون)
منحشي حبات الكوسا للنص تقريبا أو أقل شوي
–
ممكن نسكر حبات الكوسا بأنه نقص جزء صغير من راسها وندخله فيها
أو منقطع ليمون قطع صغيرة ومنسكرها فيه
أو بندورة مقطعة أو فلفل حار مقطع نفس العملية
على طنجرة منحط البندورة ومرق الدجاج مع علبة معجون الطماطم ومنحرك، مندير الكوسا شوي شوي ومنغمرها بالميي( بحب احيانا أضيف حبات ثوم صحيحة مقشرة للمرق، اختياري)
ممكن نحطلها ثقل (زي الفخارة) لحتى يساعد ما تتسرب الحشوة كمان
⚠️⚠️ ممكن تبهروا مرق الطماطم باللي بدكم ياه بس بتجنب ابهرو ببهارات بودرة لحتى ما يسود لونه، فيا إما بستعمل مرق دجاج، أو بستعمل بهارات صحيحة. الموضوع بالاخير بيرجعلكم.
–
منتركها حوالي الساعة نار خفيفة
نفس العملية ممكن تنعمل للباذنجان