لحم ريش فيكن تستخدمو اي جزء بتحبو … اول خطوة نضفت الريش من الدهن ونقعت بمي وخل عشر دقايق صفيتنن ونشفتن وتبلتتن بالملح و #الفلفل و #الكركم ورشة من بهار البرياني .. نقعت رز #بسمتي ٣ كاسات ..
بطنجرة حطيت فيها معلقة #سمن معلقة زيت وحمصت البهارات الحب (هيل فلفل كمون كزبرة ورق غار قرفة كاري ) الخلطه هاي بتلاقبا جاهزة بالسوبرماكت ..
بنزل فوقن #بصل مفروم وتوم و #زنجبيل مفروم وبتقلين شوي ليدبلو بنزل اللحم وبنقلب فيه ليتغير لونو بنضيف حبة بندورة مقشرة ومفرومه ناعم وكزبرة خضرة مفرومه وفلفل اخضر بارد او حار حسب رغبتكن .. بنضيف علبة روب .. ملح وفلفل وكزبرة وقرفة وبهارات #البرباني … وبنقلب ليستبك المزبج .. بنضيف مي سخنه تغمر اللحم وبنغطية بنتركه ع نار هادية ليستوي .. بنسلق الرز نص سلقة وبنصفية .. بمقلا تانية بنقلي حبة بطاطا مقطعه مكعبات صغيرة .. بنرفعا نحطا ع جنب
بنقلي بنفس المقلا بصل جوانح ليتحمر .. بس يستوي اللحم بنرفعو ع صينية شواء بندهنو بشوية زعفران منقوع مع رشو زيت زيتون وع فرن يتحمر شوي .. بنصفي المرق
بطنجرة الطبخ بنحط طبقة من الرز المسلوق وفوقا المرق وكزبرة خضرة وبطاطا والبصل وزيت البصل وبنضيف الطبقة الباقية من الرز وفوقا رشة من ماء الزعفران المنقوع ورشة صغيرة من مي الرز المسلوق.. ممكن ضيفو لون احمر او اصفر اذا حبيتو… وبنغطي ع نار هادية او بندخلوا الفرن تلت ساعه اكتر او اقل حسب فرنك او طباخك .. اخر شي يسكب في طبق التقديم وفوقو اللحم والمكسرات و #الزبيب والبصل المقلي .. يقدم بجانبو #روب او روب بخيار .
. وصحتين وهنا