- 53
- 0
- الخميس, 18 مايو, 2017 - 12 , مساءً
- التقييم:
الطريقة و المقادير
المثومة او الثومية تقدم بجانب المشاوي البروستيد الشاورما وغيرها من الاطباق طريقتها سهلة ونفس اللي بناكلها بالمطعم 😉
الطريقة
كوب ونص ماء نضيف عليهم ملعقتين نشا كبار ومليانين كتيير كتيير وممكن تزودي المي لغاية 2 كوب ماء حسب القوام اللي بدك اياه
نضعهم على النار مع التحريك المستمر حتى يجمد و يغلي رح يسير لونه ابيض شفاف
نضع النشا في صحن ونغطيه بنايلون الطعام بحيث يلامس النايلون سطح النشا حتى لا تتكون قشرة ونتركه يبرد قليلا ثم نضعه بالتلاجه حتى يبرد تماما
المقادير التي نحتاجها
ملعقة ونص صغيرة ثوم مهروس
3 ملاعق كبيرة عصير ليمون
نصف ملعقة صغيرة خل
نصف ملعقة صغيرة ملح
ربع كوب زيت
طبعا المقادير (الملح الليمون الخل الثوم)ممكن تزوديها حسب الطعم اللي بدك اياه
نضع كل النقادير ما عدا الزيت ونخلطهم ثم نضيف الزيت على شكل خيط اثناء الخلط رح يتحول لونه لابيض لو حسيتي قوامها جامد ممكن تضيفي ماء وطبعا بدوقيها وبضيفي ع زوءك
