نسلق نصفين دجاجه مع بصله وماجي وقرفه وهيل وورق غار وملح وناخذها من المرق ونحطها في صينية الفرن وندهنها للتحمير ب:
ملعقه صغيره من ( مايونيز وكاتشب ومعجون طماطم ) ونضيف شوي زيت وملح وفلفل اسود ونحمرها في الفرن .
الرز:
نحمس بصله صغيره ناعمه تحميس خفيف في زيت ومعها ثوم وكرفس وزنجبيل اخضر وشوي من تتبيلتي( موجوده في الصور السابقه) وشوي فلفل احمر حار.. بعدها نضيف الرز المنقوع من قبل ونقلبهم ونحط عليه قرفه وهيل وورق غار وفلفل حار واحد صحيح ،..ونصب عليه مرقة سلق الدجاج بعد تصفيتها ونقيس الملح واذا نشفت مويته نحط عالوجه موية ورد او كادي مذوب فيها بودرة زعفران ونطفي عليه …
حمسة خضار لوجه الرز:
نحط شوي زيت عالنار وعليه ثوم وكرفس وزنجبيل اخضر وفلفل احمر حار ونقلب وبعدها نضيف جوانح بصل ونتركه يتحمر شوي ونحط شوي بهار مشكل وبعدها نضيف مكعبات فلفل رومي احمر ومعها مكعبات خضار مقليه ( بطاطس كوسه باذنجان وممكن جزر) ونضيف ملعقه كبيره خل ابيض … ونضيف بصل اخضر وكزبره خضرا وملح ونصب عليهم ملعقة معجون طماطم مذوبه في ٥ ملاعق مويه اخر شيء نضيف مكرونه مسلوقه (اختياري) نتركها ٥ دقايق عالنار وقبل التقديم نضيف بصل اخضر …
للتقديم : الرز وعليه الدجاج وعالاطراف حمسة الخضار مع المكرونه ونحط ممكن بصل اخضر عالوجه… ملاحظه : ممكن اضافة حمص مسلوق لحمسة الخضار …