المقادير :
كوب ونصف دقيق
ملعقه كبيره بكنج باودر
2 ملعقه كبيره كاكاو بودره
3 بيضات
ملعقه صغيره فانيلا سايله او بودره
نصف كوب زيت
ثلاثة ارباع الكوب حليب سايل
علبة زبادي
نصف كوب سكر

الحشوه للوجه :
كوب بسكوت مطحون
علبة قشطه
5 او 6 حبات جبن كيري
الصوص :
3 حبات جالكسي
نصف علبة قشطه
شوي جوز البيكان حسب الرغبه
الزينه :
اي شيء متوفر عندك
استخدمت مانجا وقطعتها بشكل طولي
سويتها نفس بتلات الورده
وكرز ونعناع
الطريقه :
ننخل الدقيق والبكنج والكاكاو مع بعض ونخليهم على جنب ونحضر كاس الخلاط نضع البيض والسكر والزيت والحليب السايل والزبادي والفانيلا ونخلطهم حول 5 الى 10 دقايق ونصبهم على المقادير الجافه ونحرك بالشبك ووقتها نكون مسخنين الفرن من تحت ونرش الصينيه ببخاخ الزيت او ندهنها وحطيت ورق زبده بالوسط حتى تمنع التصاقها لما نقلبها نصب الخليط يدخل بالفرن من تحت حتى تتحمر من تحت ويرتفع الخليط نطفي ونشغل من فوق حتى تتحمر وتكون نضجت ونختبرها بعود الاسنان اذا كان نظيف
نطلعها تبرد شوي ونقلبها على قاعده او صحن التقديم ونضعها على شبك ونشيل ورق الزبده ونخليها تبرد بحرارة الغرفه بعد ماتبرد نجهز الحشوه
نخلط البسكوت والقشطه والجبن بمحضرة الطعام ونبدا نوزعه بالوسط ونساويه
بعدها نحضر الصوص نكسر شوكولاه الجالكسي ويوضع مع القشطه ويدخل بالمايكرويف او حمام مائي ونخلطهم حتى تذوب ونضيف جوز البيكان حسب الرغبه ويوزع فوق الحشوه وتزيين بالمتوفر عندك
وبالعافية عليكم 💛