المقادير :
كاس وربع سميد ناعم
3 بيضات
علبة قشطه
ملعقه كبيره بكنج باودر
م ص فانيلا
شوي خل
نصف كوب زيت
نصف كوب سكر
الحشوه :
2 كوب ماء
نصف كوب حليب بودره
ربع كوب سكر
4 ملاعق كبيره نشاء
قشطة قيمر 250 غرام او تقدرون تستبدلونه بجبن براحتكم
الشيره :
1 كوب ماء
2 كوب سكر
شوي زعفران او تستغنون عنه
شوي عصير ليمون
الطريقه :
نضع بالخلاط الكاس البيض والسكر والفانيلا والخل والزيت والقشطه ثم نخلطهم مع بعض حول 3 الى 5 دقايق ونصبهم على السميد المخلوط مع الباكنج باودر
ونبدا نوزعها بالفناجين كل فنجان ربع ثم تدخل بالفرن مسبق التسخين من تحت ليما تتحمر ثم نشغل من فوق وفي وقت ماهي بالفرن نشتغل بالحشوه
نضع الماء والنشاء والحليب والسكر ونحركهم حتى يروح التكتل ثم نضعهم على النار ليما يثقل ثم نشيله ونحط القشطه معهم ونحرك بسرعه حتى لاتتكتل ثم نضيف بكل فنجان مقدار من الحشوه والباقي من خليط البسبوسه اذا كان خليط البسبوسه ثقيل مره زيدوا شوي ماء معه
ثم تدخل بالفرن من فوق حتى تتحمر ونختبرها بعود الاسنان بعدها نصب عليها الشيره البارده لازم تكون الشيره بارده والبسبوسه حاره او العكس
وبامكانكم بدل حوسة دخل طلع مثل ماالبعض يكرهها تحطون خليط البسبوسه ثم الحشوه ثم خليط البسبوسه وتدخل بالفرن من تحت بعدين من فوق واختبروها بعود الاسنان
طريقة الشيره : نحط بالقدر الماء والسكر بدون مانحركه ونخليه ليما تذوب حبيبات السكر ونضيف عليه الزعفران للي يحب واللي يحب يضيف هيل ونخليه حول 7 الى 13 دقيقه بعد مايذوب السكر ونضيف عليه نصف ليمونه نعصرها بس مانحط كثير بس شوي عشان الليمون يحافظ ان السكر ماتتكتل بالعلبه
ونخليه ليما يبرد ويحفظ ببرطمان وراح تلاحظون انه بيثقل بعد مايبرد بس خلوه يطول شوي اذا ماتبون ثقيل وتبون الشيره سايله حدها 7 دقايق
اللي حاب يستخدم البسبوسه بصينيه يدهنها بزيت او طحينه سايله اما الفناجين
واكواب الكب كيك مايحتاج
يمكن خليط الحشوه يكون كثير عليكم مثل ماصار عندي استخدموه باي شيء ثاني لاتذبونه
وبالعافيه ❤️