المقادير :
ثلاث ارباع كوب طحين
ملعقه كبيره نشا
ملعقه صغيره باكنج باودر
٤ حبات كبيره بيض
نصف ملعقه صغيره ملح
كوب سكر ناعم الحبيبات
ربع كوب دافي ماء -ملعقه صغيره فانيلا
ملعقه صغيره برش قشر برتقال
الحشو
اللي تحب تحط مربى
بس انا ماحبه حطيت كريمه فقط
كوب كريمه خفق الحلويات + ٢ ظرف دريم ويب
التزيين :فرواله ، كريمة
الطريقه
اول شي نسخن الفرن ع درجه ١٨٠
نجهز صينيه قصيره الحافه مستطيله الشكل ونحط داخلها ورق زبده ع القاع و الحواف
ناخذ طبق وننخل فيه الدقيق و النشا والباكنج ونخليه ع جنب
في وعاء نخلط البيض و السكر لين يصير الخليط سميك القوام تقريبا ٥-٧ دقايق بعدين اضيف الملح
والفانيلا وبرس البرتقال
نحط بعدين الدقيق ع خليط البيض واقلب الخليط بخفه بحركة دائريه من الاسفل للاعلى لين يختلط المكونات مع بعض عدل
نضيف الماي واخلط مجرد تمتزج المواد خلاص اوقف
نحط الخليط في الصينيه اللي جهزناها
ونشاوي السطح عدل ،، نحط الصينيه في الفرن من تحت ع الرف الوسط تقريبا بتاخذ وقت معنا ١٠ دقايق لين يصير لونها ذهبي
نجهز ورق زبده اكبر من حجم الصينيه وانثر عليها جوز هند .. اخذ الكيكة واقلبها ع طول من القالب ع الورق المحطوط فوقها جوز هند .. راح يكون من فوق ورق الزبده اللي انخبزت معاه بالفرن احاول اشيلها ب شوي شوي واتخلص منها ،، احط بدالها ورق زبده جديد
الحين صار الشكل ورق زبده من اسفل فيه جوز هند وفوقه الكيكة وفوقه طبقه من ورق الزبده
ابتدي الف الكيكة ع شكل رول واثبتها واحطها داخل الثلاجه لين تبرد ،، في هالاثناء اجهز الحشو
اخلط كريمه الحلويات مع الدريم ويب لين ينفس الخليط
اطلع الكيكة من الثلاجه بتكون بردت تماما
اشيل ورق الزبده واحط بداله من داخل الحشو وارجع الفها من جديد
ادخلها الثلاجه مره ثانيه حتى تجمد الكريمة وماتطلع اثناء التقطيع
تزين بالسكر بودره او بالشوكلاته و تقطع وتقدم
وبالعافيه ❤️❤️