المقادير:
انصحكم باستخدام الميزان لكن اللي ماعنده ومو ناوي يشتري بكتبها بالاكواب لكنها موو بنفس دقه الوزن
.
️٤٠٠ جرام من الطحين الابيض متعدد الاستعمالات .. مايعادل كوبين ونص الى كوبين وثلاث ارباع
.
️٢٠٠ جرام من السمنه او الزبدة .. ما يعادل كوب
.
اذا حبيتوها باللوتس شيلو ربع كوب من السمنه واستبدلوها بزبدة اللوتس
.
لاحظو قوام السمنه متماسك وطري !! انتبهو ابداااا لاتحطونها سائله ابداااااااا
.
️١٠٠ جرام سكر بودرة .. مايعادل نص كوب الى ثلاث ارباع الكوب
.
️٢ م.ك زيت نباتي وممكن استبدالها بالشيرة بس الزيت احسن
.
️١ م.ص مطيبات .. انا حطيت محلب .. في ناس تحط هيل او فانيلا وهلم جرااا ومولازم ترى
.
الطريقة:
.
️بالخفاقه نخلط السمنه والسكر والمطيبات تررررررررررر
.
️نضيف الطحين على دفعات لمن تتماسك وتصير عجينه طرية وقابلة للتشكيل
.
اللي يمشي عالاكواب انتبه لاتحط كل الطحين مرة وحده .. احتمال ماتحتاجه بالكامل لان قياساتك غير دقيقه نفس الميزان
.
️نكور العجينه ونغطيها وندخلها الثلاجه ربع ساعه بسس
.
️نطلعها ونشكلها حسب الرغبة وندخلها فرن محمي مسبقا من تحت فقط حرارة ١٦٠
.
️يمكن تحتاج من سبعه لعشرة دقائق فقططط وماله داعي نحمرها لانها بتنشف
وبالعافية