- 84
- 0
- الثلاثاء, 6 أغسطس, 2019 - 4 , صباحًا
- التقييم:
الطريقة و المقادير
اربع كاسات دقيق _ ملعقة طعام خميره فوريه _ ملعقتين طعام سكر _ اربع ملاعق طعام حليب بودره _نص كاس زيت _ كاس ونص ماء _ نص ملعقه صغيره ملح.
الحشوه : حمري بصله كبيره تحمير خفيف وضيفي لها اربع كاسات سبانخ مفروم وشوية كمون وفلفل اسود وملح وقلبي وضيفي لها عصير ليمونه وغطيها وخليها تطبخ على نار هادئه لما تنشف ماءها تماما وبالاخير ضيفي ملعقة طعام سماق وقلبي وتستخدم.
الطريقه
ذوبي الخميره في الماء وضعيها بالعجانه وضيفي باقي المقادير ماعد الدقيق واخلطيها مضبوط وضيفي الدقيق واعجني لسبع دقايق وغطيها وخليها ساعه تخمر وافرديها وقطعيها بقطاعه دائريه وضعي قليل من الحشوه وسط كل دائره واطبقيها على بعض لما توصلين النص وامسكي الجهه المفتوحه من نصها واسحبيها ولصقيها بوسط الفطيره وسكري الاطراف المتبقيه وضعيها بصينية فرن مدهونه وغطيها واتركيها تخمر عشر دقايق وبللي اصابعك بشوية ماء وقفلي اطرافها مره ثانيه عشان ماتفتح معك اثناء خبزها واخبزيها بفرن حار لما تستوي وحمريها من فوق
وبالعافيه💙
