المقادير
دجاجه كامله ويفضل وزنها 1200 او 1100 غ_ ربع قالب زبده جامده ابو مية جرام مقطع سته قطع اوممكن زيت زيتون . نظفي الدجاجه وافركي داخلها بقطعة ليمون وملح ودخلي قطع الزبده تحت جلد الدجاجه من جهة الصدر ووزعيها على كامل المنطقه تقريبا ورشي الدجاجه بملعقه صغيره ملح ووزعيها بالكامل
التتبيله الخارجيه :
ملعقتين طعام صويا صوص + ملعقة طعام صلصة طماطم + ملعقتين طعام زيت زيتون + ملعقه صغيره عسل. تخلط مع بعض ونخليها اخر خطوه
الخضار:
حبة بطاطس كبيره مقطعه دوائر _ حبة باذنجان مقطعه مكعبات كبيره _ حبتين جزر مقطعه مكعبات اوشرائح طوليه مائله _ حبة فلفل رومي اي لون مقطعه مكعبات _ قرنين فلفل حار صحيح _ كاسين زهره مفككه _ حبتين كوسه وسط مقطعه دوائر مائله _ كاس يقطين مقطع مكعبات _ بصله كبيره مقطعه مكعبات كبيره _ فصين ثوم شرايح _ ربع ملعقه صغيره ملح _ نص ملعقه صغيره لكل من فلفل اسود واوريقانو. نشوح البصل مع الفلفل في ربع كاس زيت لمايتحمر شوي ونطلعه على جنب وفي نفس الزيت نضيف الخضار ماعدا الباذنجان ونقلب فيها لسبع دقائق لماتتشوح قليلا ونطلعها ونشوح الباذنجان مكانها لما يتحمر قليلا ونضعه مع باقي الخضار ونضيف الملح والفلفل الاسود ونقلبها مع بعض وتكون جاهزه.
الطريقه
نضع الدجاجه بصينية فرن ونربط الارجل بخيط قطن اوقطعة قصدير عشان تعطي شكل مرتب ونلف الاجنحه للخلف ونصب من جانب الصينيه كاس ماء ونغلفها بورق المونيوم ونرفع ورق الالمونيوم عنها عشان مايلصق فيها اثناء الشوي اوممكن نستخدم كيس الشوي وندخلها فرن حار من ساعه الى ساعه ونص على حرارة 180 مئوي اوحسب افرانكم وبعد ماتستوي ندهنها بالتتبيلة بواسطة فرشاه وندخلها الفرن تحت العين العلويه على حراره اقل من متوسطه عشان تتحمر بشكل متساوي وتعطي لون جميل وتقدم مع الخضار الي شوحناها اول ومع رز ابيض وسلطه خضراء اوحاره
💗 وبالعافيه.
⭐️