كيفكم متابعيني الحلوين ايش اخباركم
وصفة اليوم مرررة لذييييذه نقدمها من مطبخ كويتيات
😋اوزي فريكة و دجاج مشوي😋

بتتقدم مع لبن و سلطات و يخنة بطاطا
الدجاج ..
١_ بقطع الدجاجة و بدعكها بطحينة سائله لنشيل الزفرة و الزنخه و بشطفها منيح و بصفيها و بدعكها بخل و ليمون و بتبلها بزيت زيتون و صويا صوص و ملح و فلفل اسود و بهار دجاج او بهار مشكل و بابريكا و بهار مشكل و توم بودرة و بصل بودرة وبهار حلو و م ك صلصة بندورة و عصير ليمون

٢_ بتركها ٤ ساعات بالتلاجه او ليلة كامله حسب وقتك بعدين بطلعها بحطها بكيس بالشوي الخاص بالفرن بربطه بالربطة الخاصه فيه بقص طرفه و بحطو بصينيه فيها مي و بدخلها الفرن ساعه و ربع و بحمرها

٣_ بقلب وقية لحمه مفرومه عالنار بقليل من الزيت النباتي بعدين بحطلها رشة ملخ فلفل اسود بهار حلو و بهار مشكل و قرفه و بحط معها خضار مسلوقه بازيلا و جزر و لوز مقلي للتزيين على وجه الفريكه

فريكة مفلفه:

١_ كوبين فريكة بنضفهم من الشوائب و بغسلهم ٣ غسلات و بنقعهم بمي لمدة نص ساعه
٢_ بعدين بصفيهم منيح و بقلب بصلة عالنار بمعلقتين سمنه نباتي او زيت و بضيف الفريكه و بقلبها منيح ٥ دقايق
٣_ و بحط ملح و كمون و قرفه و كركم و رشة حوز الطيب و لكل كوب فريكه بحط كوب او مرقه ماجي او مرقة سلق الدجاج و بتركها عنار هاديه حتى تنشف تماما
ملاحظة مستوي الماء بكون يغمر الفريكه فقط ما بنكتر عليها
💜وبالف هنا 💜
نقلا عن
ma6ba5_alnwa3em💕