- 57
- 0
- السبت, 19 أكتوبر, 2019 - 6 , مساءً
- التقييم:
الطريقة و المقادير
بسم الله الرحمن الرحيم
وصفه اليوم من مطبخ كويتيات
كفته البطاطس بالجبن
المقادير:
بصل
فلفل اخضر بارد
جزر
بقدونس و كزبره
بزاليا
مكعب ماجي خضار عند الرغبه
بهارات
فلفل اسود
باربيكا
كمون
بهار تندوري ( بهار هندي حار ) اللي مو متوفر عندها تكثر فلفل اسود او تطحن فلفل حار وتحطه معاه لو تحبه حار
بطاطس
ملح
بيض
بقسمات
ملعقه معجون طماطم
للحشو :
قالب جبن موزريلا مقطع مكعبات صغيره او جبن شذر او ممكن جبن كيري او مثلث اي نوع تفضلينه ،، الطريقه :
يقشر البطاطس و يقطع مكعبات صغيره و يسلق الى ان ينضج
في هذه الاثناء اقطع البصل مع الفليفله صغار واحطه في شوي زيت ع النار
اضيف له البقدونس و الكزبره المقطع واحرك الى ان يذبل
اضيف مكعب الماجي مع البهارات واحرك
احط معجون الطماطم واحركه شوي واخيرا اضيف الجزر و البازاليا واتركه شوي ع نار هادئه
اذا نضج البطاطس اصفيه عن الماء
يبرد شوي واهرسه وبعدين اخلط معاه الخلطه
اشكله ع شكل دوائر مع وضع الحشو ( نفس طريقه خليه النحل بالضبط )
احطه عشر دقايق كذا في الفريزر حتى مايخترب شكله مع التغميس
اغمسه في بيض بعدين بقسمات
واقليه ممكن تسوينه ببهار عادي اذا ماتبينه حار اهم شي في القلي ٣ نقاط :
١- الزيت يكون غزير
٢- يكون ساخن جدا جدا جدا مثل اذا بتسوين لقيمات ساخن و غزير
حتى مجرد احط البطاطس يتحمر لانه يكون الزيت غمره كله ولا يشرب زيت ابدا 👍 ٣-ماقلبه الا بتحريك المقلى شوي ماستخدم ملعقه ولا شي حتى مايتفتت واذا شفته تحمر اشيله ..
🌼وبالف هنا🌼
نقلا عن الشيف
warooody💋💋
