‏⁧‫ اللهُم حالاً طيبًا,و بشائر تطرق المسامع,وأفراحًا تهطل لها المدامع

وصفه اليوم من مطبخ كويتيات

فطائر شوايه محشيه بلبنة الخضار

المقادير :

عجينتك المعتمده هذي العجينه المعتمده عندي بدون تخمير :

العجينه :
كوب ونصف دقيق
ملعقه كبيره ونصف حليب بودره
ملعقه كبيره ونصف زبادي
ملعقه صغيره خميره فوريه
ملعقه صغيره باكنج باودر
رشة ملح
ملعقه كبيره سكر
ملعقه كبيره زيت
نصف كاس ماء دافي يضاف بالتدريج يمكن تحتاجون اكثر شوي
ننخل النواشف ثم نضيف الزبادي والزيت و الماء
ونعجن حتى تتجانس ونبدا فيها على طول بدون تخمير
الطريقه :
ناخذ العجينه ونبدا نكورهم المقاس حسب رغبتك انا حطيتهم ميني اذا حطيتيهم كبار بامكانك بعد النضج تقصينهم الى نصفين نضعم بالة التوستر ونضغط عليهم حتى تبين الخطوط فيها لما تتحمر نحطهم بعلبه فيها منشفه ونغطيهم وبعد مانخلص نفتحهم من جهه بالمقص اسهل من السكين ونحشيهم بلبنة الخضار المخمره من قبل
طريقة لبنة الخضار ~
لبنة
رمان حلو
فلفل وومي مقصص صغار
ذره حلوه
جزر مبشور
للتغطيه :
زيت زيتون
ناخذ من اللبنه ونضعها بصحن كميتها حسب رغبتك وناخذ الخضار ونحطهم فوقها ونخلطهم بالملعقه حتى تتجانس ثم نعبي البرطمان الزجاجي ونصب فوقهم زيت الزيتون حتى يحافظ عليها ويعطيها طعم الذ بكثير وحاولوا تسوون بالسكين فتحات على جنب يدخل الزيت زيتون تحت . وايضاً تنفع لفطور صباحي

تتهنوا فيهم يارب
🧡بالف صحه وعافيه 💛
نقلا عن الشيف
ninalotus8💕💕💕💕