كيفكم مع الاكل الصحي يا جماعة الخير؟
🍞🍞🍞🍞🍞🍞🍞🍞🍞🍞
–
كتير بيوصلني طلبات منكم اعمل اكل صحي والحمدلله اجمالا بالبيت اكلنا منحاول يكون صحي قدر الامكان، ازا اشتهينا خبز نخالة ولقيتو ظريف وطيب بشتريه بس احيانا بلاقي بروح لوصفتي
اليوم راح نخبزه فى البيت من مطبخ كويتيات
🍞خبز النخاله 🍞
المقادير

🔸كوب ونص قمح كامل whole wheat
🔸كوب نخالة wheat bran (صورة الماركة اللي استعملتها فوق) 🔸ملعقة كبيرة خميرة
🔸ملعقة كبيرة عسل
🔸ملعقتين صغار ملح
🔸ملعقتين كبار زيت زيتون
🔸ماء دافي حسب الحاجة –
الطريقة:
–
🔹بالعجانة حطيت كل المكونات عدا الماء والزيت وحركتهم
–
🔹صرت اضيف الميي بالتدريج لصار عندي عجينة جدا جدا طرية تلزق شوي بالاصبع، اضفت الزيت اخر شب وحركت مرة تانية.
–
🔹تركتها تخمر شي ساعة بعدين شكلتها كرات وفردت كل وحدة حطيتهم كل ثلاثة سوا (بالصورة) بس نتأكد يكونوا مغطايين
–
🔹تركتهم يخمروا كمان مرة شي نص ساعة إلى ساعة
–
🔹بمقلى دون زيت او اي شي بس سخن حطيت اول حبة وكل شوي اقلبها وماشاء الله لحالها رح تنفخ
–
🔹عنجد لذيييييذة اسم الله صحة وعافية يارب 💕 💕 💕
نقلا عن الشيف
ranoosh.recipes♥️♥️