بسم الله الرحمن الرحيم
يسعد اوقاتكم بكل خير 💕

😋مولتن شوكلت كيك😋

نقدمها لكم من مطبخ كويتيات

المقادير:

أصبع زبدة مقطعة لمكعبات صغيره .

120 جم شوكولاته غامقة مقطعة لقطع صغيرة
3 بيضات
صفار بيضتين
4 ملاعق صغيرة طحين
4 ملاعق كبار كاكاو بودرة
كاس سكر بودرة رشة ملح

الطريقة :

أول شي ندهن صحون السيراميك ( الخاصة بالمولتن والسوفليه )
بزبدة دافية ونحطها بالثلاجة لحد مانسوي خليط المولتن نشغل الفرن على ٣٥٠
في حمام مائي نذوب الزبدة والشوكولاته ونحركها لما تذوب وتتجانس مع بعض
طبعاً الغرض من تقطيع الزبدة والشوكولاته لقطع صغيرة هو إنها تذوب بشكل أسرع وما تحترق مع طول مدة التذويب
بعد ما تذوب ننخل عليها الكاكاو مع الملح والسكر ونخلطهم مع بعض .
بعدين نضيف صفار البيض ونحرك زين وبعدها البيض الكامل والطحين ونحرك بس ما نطول بالتحريك حتى مايستوي البيض مجرد يتجانس ونوقف
الحين نفرغ الخليط في قوالب السوفليه نعبيها لين ثلاثة أرباع الكمية تكفي 6 -7 قوالب متوسطة
وندخلها الفرن
نخليها في الفرن حوالي ٢٠ دقيقة تقريبأً مرات تكون أقل ومرات أكثر على حسب الفرن وغير كذا نوعية الشوكولاته بعد ،
اعرف انها ضبطت
لما تكون الأطراف بدت تستوي بس الوسط يلمع شوي ولما ندخل سكين أو عود يطلع وعليه الخليط السائل .
الحين نطلعها من الفرن ونخليها تبرد شوي لاتستعجلون عليها حتى يضبط ,
بعدين نفك الأطراف بسكين ونقلبها على صحن ونزينها .

💚💚تتهنوا فيه يارب
نقلا عن الشيف
ninalotus8💋💋💋