#Repost @ranoosh.recipes (@get_repost)
・・・
هلأ احنا بموسم برد والله يعافي الجميع الرشح شغال عأبو جنب، بحب من وقت للتاني اعمل هالشوربة حتى لو بدون مرض الله يعافيكم، لذيذة وصحية ومغذية 🍲🍲🍲

😋شوربه سلامتك 😋

نقدمها لكم من مطبخ كويتيات
يارب تعجبكم 🍲
الطريقة:
–
🔹 على النار مع شوية زيت منحمس بصل وجزر وفليفلة مفرومين، (♻️يفضل مفرومين لتسهيل البلع وقت المرض، البصل يساعد على علاج انسداد الانف ويتخلص من البلغم، الجزر والفليفلة مليئة بالفيتامين المساعدة على تقوية الجهاز المناعي♻️) 🔹 بس يذبلوا منضيف ثوم مع زنجبيل مهروسين (♻️ طبعا الثوم والزنجبيل من الملوك على عرش الاغذية المقاومة للبرد وبساعدو على تخفيف حدة نزلات البرد الى النصف تقريبا ♻️)
–
🔹 بس تطلع الريحة الزاكية منضيف الزعتر thyme والكركم اضافة الى خياراتكم المفضلة من البهارات،( ♻️الزعتر والكركم بيحتووا خواص تساعد على مكافحة نزلات البرد ♻️)
–
🔹 منضيف اهم مكون وهو مرق دجاج ( تخيلوني ماسكة سبيكر📣📣📣 مش ماجي❌ ولا تفكروا، حتى لو مش للمرض هالشوربة بالذات مش ماجي❌) (♻️مرق الدجاج راااائع لنزلات البرد وبساعد الجسم على محاربة اعراض المرض♻️)
–
🔹 خطوة اختيارية لكن لحتى تكون الشوربة مشبعة اضفت كمية بسيطة من معكرونة لسان العصفور، ممكن شعيرية ازا بتحبوا، الفكرة انو مكون صغير يزلط الحلق ومشبع، خلوها على النار لتوصل للطعم والقوام اللي بتحبوه.
–
⚠️مليان مكونات اخرى مفيدة للصحة ممكن تضيفوها متل السبانخ
–
🔹 اخر خطوة منضيف اخر شي قطع دجاج مفتت ومنقدمها مع عصرة حامض على الوجه. –
⚠️طبعا ممكن اول خطوة تحوسوا الدجاج على النار مع الخضار وتتركوا المرق يتكون لحالو من الشوربة ثم تفتفتوا الدجاج لكن انا بحب اشيل الدهن عن المرق تبعي فلازم ابردو قبل بليلة. ⚠️
–
الشوربة لذيييذة حتى بدون نزلات برد جربوها وادعولي
ن⁦❤️⁩قلا⁦❤️⁩⁦❤️⁩ عن الشيف
ranoosh.recipes😘😘😘