شاورما لحم وخبز الحليب .. مقادير شاورما اللحم ؛
نتبل كيلو لحم مقطع شرائح رفيعه ب :
٣ ملاعق كبيره خل
شوي زيت زيتون
ثوم مهروس
بهارات شاورما اللحم اذا ماعندك حطي ( كركم ،فلفل اسود ،كزبره ،بهار منوع )
ملح يفضل ااتتبيله تظل ليله كامله ..
بقدونس
مقادير الطحينيه :
علبه زبادي
٢ ملعقه كبيره طحينيه سائله
عصره ليمون
ملح
فلفل اسود
ثوم مهروس *** انقع شرائح بصل ابيض في خل وسماق حتى اضيفها مع الشاورما تعطي طعم لذيذ
الطريقه
نسخن مقلا ونحط فيه الشاورما لين تتحمر وتجف بعدها اضيف ماء واخليه لين ينضج اللحم تماما اذا جف الماي ومانضج نضيف ماء زياده لين ينضج عدل ممكن نستخدم جدر الضغط اسرع واذا نضج اللحم نخلط معاه بقدونس مفروم
ندهن الخبز ( انا سويت معاه خبز الحليب بحط مقاديره تحت ) ب الطحينيه ونحط الشاورما و بطاطس مقلي عند الرغبه و البصل المنقوع وخس
خبز مني
المقادير
٣ أكواب طحين
كوب حليب سائل طازج
ملعقه كبيره خميره
ملعقه كبيره سكر
ملعقه كبيره زيت
ملعقه صغيره ملح
الطريقه
اخلط الحليب والسكر والخميره مع بعض واغطيها واتركها تتفاعل عشر دقايق بعدها اضيف باقي المقادير واعجنها واغطيها واخليها تتخمر
فردت العجين وقطعته دوائر وغطيته يتخمر ٢٠ دقيقه بعدها دهنت الوجه ب حليب مبخر ( مثل بوني او بو قوس مذوب فيه شوي نسكافيه ودخلتها فرن ساخن درجه ٢٠٠ لين تنضج
اول ماطلعها من الفرن ادهن الوجه بزبده واغطيها عشر دقايق وبعدها احشي فيها الشاورما
يمكن استبداله ب خبز عادي او خبز تورتيلا جاهز وبس