حشوات ل السمبوسه
حشوة الدجاج
المقادير :
دجاج مفروم ، بصل ،جزر مبشور ،مكعبات بطاطس مقليه ،بقدونس وكزبره
بهارات ، فلفل اسود ،ملح،كمون
جبن شذر مبشور
نفرم البصل ونحطه مع شوي زيت ويقلب الى ان يذبل
يضاف البهارات والفلفل الاسود والكمون
نضيف الدجاج والجزر ونقلب نتركه ع نار هادئه لين ينضج
اذا نضج نضيف البطاطس و البقدونس وجبن شذر المبشور و يقلب نتركها تبرد بعدين نحشي فيها
حشوة الخضار :
بصل ،فلفل اخضر بارد، جزر ،بقدونس و كزبره
بزاليا، مكعب ماجي خضار عند الرغبه
فلفل اسود، باربيكا ،كمون
بهار تندوري ( بهار هندي حار ) اللي مو متوفر عندها تكثر فلفل اسود او تطحن فلفل حار وتحطه معاه لو تحبه حار او تحط بهار منوع
بطاطس ، ملح ،ملعقه معجون طماطم
لطريقه :
يقشر البطاطس و يقطع مكعبات صغيره و يسلق الى ان ينضج
في هذه الاثناء اقطع البصل مع الفليفله صغار واحطه في شوي زيت ع النار
اضيف له البقدونس و الكزبره المقطع واحرك الى ان يذبل
اضيف مكعب الماجي مع البهارات واحرك
احط معجون الطماطم واحركه شوي واخيرا اضيف الجزر و البازاليا واتركه شوي ع نار هادئه
اذا نضج البطاطس اصفيه عن الماء
يبرد شوي بعدين اخلط معاه الخلطه واحشي فيه السمبوسه بعد مايبرد
حشوة اللحم المفروم :
لحم مفروم ،بصل ،بقدونس
بقل( كراث) ،ماش ،ملح ،بهار منوع ،فلفل اسود
بطاطس مقطعه مكعبات ومقليه عند الرغبه
الطريقه ؛
يقطع البصل قطع صغيره و يقلب في الزيت
الى ان يذبل
تضاف البهارات والفلفل الاسود
نضيف اللحم المفروم والملح ونتركه ينضج ع نار هادئه
في هالاثناء نحط الماش ينسلق مع ملح لين ينضج
اذا نضج نصفي الماش من الماي و نحطه فوق اللحم ويترك ع نار هادئه لين يتجفف من بقايا الماء
نقطع البقدونس والبقل ونخلطهم مع اللحم ونحط معاه مكعبات البطاطس واذا بردت نحشي فيها السمبوسه
حشوه جبن مالح مع نعناع
حشوة جبن كيري مع جبن حلوم
حشوه البيض ( بيض مسلوق مقطع مكعبات ، ذره ، بقدونس ، كمون ، فلفل اسود ، جبن شدر مبشور )
جبن كيري + زيتون + زعتر
حشوه البيتزا ( صلصله بيتزا جاهزه ، فلفل بارد ، زيتون ، جبن موزريلا )
حشوه دجاج مسخن
حشوة الشاورما
هذي الحشوات اللي اعرفها ف اللي عندها حشو حلو تكتبه بالتعليقات 👇🏻👇🏻 😊🌹