دونات محشيه لذيذه تستحق التجربه بس مره في السنه تكفي للحفاظ على الوزن 🏃🏻‍♀️🏃🏻‍♀️
المقادير
٤ ملاعق سكر
١ ملعقه كبيره خميره
ملعقه وسط باكنج باودر
علبه قشطه ١٧٠ غرام
نصف كوب زيت.
٣ ملاعق كبيره حليب بودره
٣ أكواب طحين
نصف كوب ماء
بيضه
يمكن حشو الدونات ب حشو الكاسترد حسب الرغبه ويمكن مضاعفه المقادير عند الرغبه ؛
المقادير
٢ صفار بيض
كوب حليب
نقطه خل
٣ ملاعق كبيره سكر
ملعقه كبيره زبده
ملعقه كبيره نشا
شوي فانيلا
واخلطهم ع النار بعدها اغطيها واتركها تبرد وتحشى فيها الدونات
الطريقه
تخلط البيضه و القشطه والزيت والماي والخميره والباكنج والحليب البودره والسكر مع الخميره واخلطهم بعدها احط الطحين واخلط ،، اغطي العجين يتخمر ساعه
بعدها اقطعها واحط كل قطعه ع ورق زبده واغطيها من جديد تتخمر ربع ساعه
اسخن زيت لين يصير ساخن بعدها اخلي الزيت وسط.
احط قطعه وحده واصب الزيت عليها من فوق بالملعقه واقلبها ع طول
وهكذا قطعه قطعه احط .. واشيلهم اذا نضجو واغطيهم ب سكر عادي
واذا بردت احشيها شوكلاته او كاسترد .. حطيتها في قمع وحشيت فيها الدونات صورته موجوده لفو الصور يسار طبعا اللي ماعندها عادي تسوي فتحه ب عود ملعقه الخشب وتحسي بقمع عادي وبس .. السكر المغطى فيه الدونات زهقني ينتثر في كل مكان ف ماخذت راحتي في التصوير والاكل .. انعدم المكان ف لو بعيدها مره ثانيه بستغني عنه والشوكلاته حشيت في الدونات من قلب ف هالمره بقلل الحشو طبعا هالشي يرجع لكم بس اذكر لكم تجربتي بس بشكل عام يستحق التجربه واعيده السنه الجايه اذا الله احيانا 🤣❤️