🍩🍩😍 دونات بدون زيت
ايش رايكم بالفن !؟ ونقول وداعاً زيت اهلاً فرن 😂🤚🏻
⠀
⠀
✨ كلنا نحب الدونات 🍩♥️♥️♥️
وخصوصاً أهلي وعشان دايماً أقليها قلت أجرب يوم أسويها بالفرن وأشوف يعجبهم أو لا 🤭😂💔💔 !؟ بصراحه النتيجه كانت رهيبه على بالهم قليتها بالزيت ، طلعت معايا خفيفه وهششه وزي القطن ومافي فرق كبير بينها وبين القلي 🤩😍👌🏻وبما انها نجحت معايا قررت أسويها معاكم تسعدوا فيها أهلكم زي مااسعدتهم💕
⠀
المقادير :
كوبين دقيق ٢٥٠ ملي
ربع كوب سكر
ملعقه كبيره خميره
ربع ملعقه صغيره ملح
صفار بيضتين
ثلثين كوب حليب سائل ١٦٠ ملي
٣ ملاعق كبيره زبده ذايبه
نص ملعقه صغيره فانيليا
⠀
للتغطيه :
نص كوب سكر
ملعقه صغيره قرفه
⠀
الطريقه :
نخلط المواد الجافه مع بعض ونحط فوقها المواد السايله ونعجنها واذا احتاجت دقيق نضيف ربع كوب بالتدريج وضروري العجينه تكون لينه مو قاسيه عشان تطلع معانا طريه ونخليها ترتاح وتخمر تقريباً ساعه او الين مايتضاعف حجمها ، بعدين نفردها وارتفاع العجين يكون سميك عشان تطلع معانا منفوخه ونرصهم في الصينيه ونغطيها ٣٠ دقيقه وندخلها على فرن مسبق التسخين على حرارة ١٨٠ درجة مئويه من ٨ الى ١٠ دقايق 🔥 بس تاخذ لون ذهبي خفيف من تحت نولع عليها من فوق اهم شيء لاتحمروها زياده ، واول مانطلعها من الفرن نغطيها عشان تصير طريه ونمسح الدونات المدوره بشوية زبده ونغطيها بالسكر والقرفه ونحشيها بالشوكولاته واللي مفتوحه من النص غطيتها بشوكولاته سوداء وبيضاء واستمتعوا بألذ واطعم واخف دونات
⠀