ياهلا .. اللي اعرفه إن الحاجه هي اووم الاختراع وانا اقول الجوع هو ابووو الاختراع هههه هذا اللي صار معي مره كنت جوعانه ومشتهيه اكل صينيه زي كيذا محيوووفه مثل مصقعه بس ماكان عندي لحم مفروم فقلت ليش ما احط بداله دجاج وشوي كاري ومايمنع من الفلفل الاخضر البارد وطلعت يابنات بطططله وكل من ذاقها اعجبته وبقووووة
.
الطريقة .. نقطع بطاطس حلقات ونقليها بالزيت او بالفليبس ونتركها علي جنب .. .
في مقلاه نحط شوي زيت وبصل وثوم ونحمس شوي + ملح + كاري + كركم +وشوي بهارات مانكثر حتي ماتغطي علي نكهه الكاري ( انا استخدم كاري من إسناد بارد مو سبايسي ) + صدور دجاج مخليه من العظم مقطعه مكعبات + وشوي ماء ونحمس الدجاج حتي يستوي واخر شي + فلفل رومي اخضر مقطع صغار ونقلبه شوي ونرفعه عن النار .. وبصينيه نصف نص حلقات البطاطس وبعدها نحط حشوه الدجاج كلها وبعد كيذا نصف النص الباقي من البطاطس واخر شي نسقيها بالصوص وندخلها تتحمر بالفرن من تحت وفوق ..
.
الصوص .. بقدر صغير نضيف قشطه معدنيه مثل التاج + ثلاث ملاعق جبن سايل + بياله ماء + شوي ملح ونحركهم علي النار شوي حتي يمتزج الصوص ونصبه علي الصينيه .. .
من جد لاتفوووتكم طعيمه ولذيذه وتعجب الصغار والمراهقين يحول دايم مبلشين اهلهم ماياكلون اي شي .. وقدموا معها سلطه خضراء ومع خبيزات حارة ياسلام سلم وبالف عافيه علي قلوبكم