.. اليوم وصفتنا من العيار الثقيل .. مندي دجاج علي كيف كيفكم 👌 والله ياهووو طعيم ومع لبن وزلطه ياسلام سلم 😂 .. والطريقه تصلح للي ماعندهم قدر خاص للمندي .. .
.
الطريقة .. اول شي استخدمت صينيه تتحمل الحراره واذا حابين تطبخونه بقدر عادي جدا .. المهم نحمس بصل وثوم مع زيت + كركم + بهارت بيضاء + بهارات عدله مثل هيل وقرفه +فلفل حار 🌶 + ملح ..بعدها نحط الماء المغلي + الرز المغسول وضروري نوزن الماء علي كميه الرز اللي عندنا حتي يكون الرز نثري ..
.
نغلف الصينية بالقصدير ونسوي فتحات بالشوكه ونصف عليه (الدجاج المتبل بالملح + بهارات + كركم + شوي زيت + عصير ليمون )
.
نغطي الدجاج بورق زبده وبعدها بالقصدير ونحكم التغليف زززين يعني نغمتتتته 👌وندخله الفرن علي حراره تحت وفوق واخذ تقريبا ساعه ونص وممكن ساعتين علي حسب حراره فرنكم .. بعد ما استوى الرز نشيل القصدير اللي فوق الدجاج حتي يتحمر الدجاج .. واخر شي نجمّر فحمه ونحطها بفنجال فيه زيت وننغز الفنجال بالرز ونغطي الصينيه زززين حتي ياخذ الرز والدجاج طعم التجمير ( عاد هالخطوه يقولون ميب صحيه ) بس الطعم يطلع مندددي مطاعم 👌.. حركوا الصوره لتوضيح وياعساه مهابيط العافيه عليكم ❤️