ياهلا .. هالايام مشتبتن علي عيالي قايلتن لهم خلااااص مابوه ريالات فسحه ولا حلويات ولا سناكات مهيب صحيه مانيب حاطتن لكم بصنيديق الفسحة ( اللنش بوكس 🤣) إلا من اكل البيت الي متي وانتم تاكلون من هالخرابيط اللي كله سكر ادري اني متاخره بالتوعيه لهم بس الله يهديهم عيالي شوي عنيدين ولهم شخصيه وارحمهم لكن هالمرة قويتهم وقلت مع التعود ان شا الله بيتقبلون .. وطبعا التدريج بالموضوع حلو يعني علي الاكل نسوي لهم مثل هالكب كيك اللي يحبونه ولا اعطيهم من كيك البقاله اللي كله مواد حافظه .. .
كب كيك التمر .. الطريقة .. نسوي اي خليط كيك انتم معتمدينه بالنسبه لي كيكه الزبادي تهبل وهشه وكم مره اذكرها بحسابي وابعيدها لكم .. علبه الزبادي هي المقياس اللي نقيس فيها بقيه المقادير ..
بالخلاط .. ثلاث بيضات + علبه زبادي ( تكون دافيه ) + علبه سكر + ملعقه صغيرة فانليا ونخلط ززين حتي ينتفش الخليط + علبه زيت وممكن نصها اذا حابين + واخر شي علبتين دقيق + ملعقه كبيرة بكنج بودر ونصب خليط الكيك بقوالب ورقيه ونحط بالوسط كويرات من التمر لكل قالب طبعا التمر منزوع النوي وعاجنينه ومكورينه وانتم ورغبتكم اذا تبون تمر خفيف بالكب كيك حطوا تمره وحده واذا حابين كثير اعجنوا حبتين تمر .. وندخله الفرن يتحمر من تحت وفوق واذا خلص نسقيه بشوي توفي او تخلونه ساده .. وابد حطيه بالثلاجه وكل يوم عطيهم منوه مع ساندوتشه الفسحه ومع حليب ويارب لك الحمد .. ومايمنع عزيزتي الام تتقهوين منوه بقهوه المغربيه 👌😂 وياعساه بالف عافيه علي عيييلكم وانتظروني بوصفات اكثر للفسحه 👏🏻😅