ياهلا .. تحبون المعمول جاهز ولا تفضلون شغل البيت ؟؟ انا بصراحه احب حق البيت لان الجاهز احيانا يخلطون سمن وزيت او فيه نكهه ما احبها 😰 .. المهم لايفوتكم المعمول المنقوش 😍 كنت اشوفه واقول ياهملالي مابعد انهبلت انقش كل حبه توقعته صعب مرة بس يوم طبقته طلع اسهل بكثير من معمول القوالب اللي ارعص بالقالب همن أقلبه واحيانا تنشب بالقالب ماتطلع 😠 هذا بس احشي وكوري وانقشي بسرعه وعلي طول بالصينيه للفرن .. وعلي كثر طرق المعمول إلا طريقة معمول الكيري خيااااال واخذت طريقتها من المبدعة @joy_of_cooking .
طريقة معمول الكيري ..
نخلط اصبعين زبده وزن الواحد ١٠٠ غرام( بحراره الغرفه ) + نص كوب سكر بودرة حتي يذوب السكر وبعدها + ٦ حبات جبن كيري وبعد ماينخلط تماما + كوبين وربع طحين + ملعقه صغيره بهارات معمول اذا حابينها .. كيذا العجينه جاهزه نحشيها تمر معبوط ونكورها زززين ونبدا نستخدم المنقاش ننقشها من الجوانب اول وبعدين من فوق ونصفها بالصينيه وبالفرن من تحت وفوق نحمرها تحمير خفيف واذا طلع وبرد نرش عليه سكر بودره وبالف عافية عليكم ❤️ .
👈 المنقاش اخذته من محلات الكماليات مثل الهزاز وغيره 👈 طريقه النقش تعلمتها من قوقل اكتبي معمول منقوش ويطلع لك اكثر من طريقه نقش 👈 بهارات المعمول استخدمت إسناد 👈 اذا عندك عجانه استخدميها تعطيك معمول اكثر هشاشه ويذووووب بالفم