ياهلا .. وصفتي اليوم كيكة الزبادي السهلة والبسيطة واللي مابه فلسفه وتصلح مع شاهي العصرية او قهيوة المغرب او سناك للمدرسة 👌
الطريقة .. أولاً ( علبة الزبادي وزن ١٧٠ غرام هي المقياس لكل المقادير )
نخفق ٣ بيضات + علبه زبادي دافئه + علبة سكر + ملعقه صغيره فانليا لمده خمس دقائق حتي يكون الخليط كريمي + علبه زيت + علبتين طحين بالتدريج + ملعقه كبيرة بكنج بودر ونخلط شوي وبعدها نصبها بصينيه مدهونه زيت وندخلها الفرن .. ✋حتي يضبط معك الكيك وتصيرين فنانة فيه اتبعي بعض الملاحظات .. 👈 البيض والزبادي لازم يكون دافي يعني طلعيه قبل بوقت من الثلاجه 👈 نخفق البيض والسكر والزبادي حتي يكون خليط كريمي وبعدها حطي باقي المكونات بالتدريج 👈شغلي الفرن قبل ماتحطين الكيكه 👈 الافضل تحطين الكيكه بالرف الوسط علي حراره متوسطه من فوق وتحت بنفس الوقت اذا كان فرنك عنده هالخاصيه حتي تستوي علي راحتها لان اذا الحرارة عاليه تتحمر من برا ومن داخل ما استوت او تكون متعجنه
👈 اذا حطيتي الكيكه بالفرن انتبهي تفتحين عليها في عشرين دقيقه الاولى حتي مايدخل الهواء البارد وتنخفس الكيكه 😰
👈اذا خلصت الكيكه واستوت طفي عنها وافتحي الباب وخليها داخل الفرن شوي يعني لاتصدمينها وتطلعينها علي طول كلش ولانفسيتها تنصدم ههههه 🤣 والف عافيه عليكم